• Ashampoo Burning Studio 6 Free
Дармавая версія праграмы для запісвання CD, DVD і Blu-ray кружэлкаў. У архіве знаходзяцца беларускія моўныя файлы. Трэба выняць гэтыя файлы ў тэчку з моўнымі файламі Ashampoo, па змаўчанні:
C:\Program Files\Ashampoo\Ashampoo Burning Studio 6 FREE\Languages.
Таксама гэтыя файлы сумяшчальныя з 8-ю камерцыйнаю версіяю праграмы. У камерцыйныя 9 і 10 версіі беларускія моўныя файлы ўбудаваны.
• Auslogics Disk Defrag 3.1.x
Бясплатнае прыкладанне для дэфрагментацыі дыскаў.
• avast! Free Antivirus 5.x
Бясплатная супрацьвірусная праграма для Windows. Беларуская мова ўбудавана у шматмоўную версію ўсталявальніка. Калі гэты антывірус ужо ўсталяваны на вашым кампутары - абнавіце праграму, а затым у Асноўных наладах (Settings) \ Мова (Languages) \ Усталяваць дадатковыя мовы (Install additional languages) - у спісе абяраеце Беларуская й націскаеце на OK. Чакаеце завяршэння ўсталёўкі. Калі будзе неабходна - перазагружаецеся.
• Format Factory 2.30
Шматфункцыйны медыя-канвертар, што дазваляе пераўтвараць асноўныя тыпы відэа, аўдыё і фота-файлаў. Пераўтварэнне DVD у відэа файлы, капіяванне CD у аўдыё файлы. MP4 файлы для фарматаў iPod/iPhone/PSP/BlackBerry. Падтрымка зыходных файлаў RMVB. А таксама праграма: аднаўляе пашкоджаныя відэа і аўдыё файлы, аптымізуе памеры мультымедыйных файлаў, дадатковая апрацоўка малюнкаў.
• HLSW 1.3.x
Праграма кіраваньня гульнявымі серверамі. Падтрымлівае шмат гульняў (CS, CS:S, COD 4, TF 2 і г.д.). Пераклад трэба пакасьці ў тэчку "х:\HLSW\cfg\language", пасьля гэтага пры запуску праграмы з’явіца беларуская мова.
• Music galaxy 1.0
Каталагізатар MP3 файлаў. Складае каталог вашай музычнай калекцыі, якая адлюстроўваецца ў выглядзе піктаграм з малюнкамі выканаўцаў і іх альбомаў (дзякуючы інтэграцыі з Last.fm). Ёсць падтрымка плэйлістоў, інтэграцыя з папулярным сэрвісам Last.fm, інтэграцыя з Winamp і AIMP2, функцыя "упадабаны трэк" (дазваляе захаваць спасылку на прайграваны ў дадзены момант трэк)
• PeaZip 3.2.x
Вольны і бясплатны партатыўны архіватар і графічная абалонка для іншых архіватараў. Праграма напісаная на Free Pascal. PeaZip распаўсюджваецца для Microsoft Windows і GNU/Linux як ва ўсталявальных пакетах (усталёўка для Windows, DEB, RPM, TGZ), гэтак і ў партатыўных версіях, якія не робяць змены ў аперацыйнай сістэме. PeaZip падтрымлівае ўласны фармат архіваў Pea (з падтрымкай сціску, шматтомных архіваў, і гнуткай сістэмай шыфравання і кантролю цэласнасці), і іншыя фарматы.
Архіў утрымоўвае два моўных файла: на кірыліцы й на лацінцы. Для дакладнага адлюстраваньня беларускае лацінкі, трэба каб у якасьці сыстэмных шрыфтоў былі ўсталяваны шрыфты з падтрымкаю дыякрытычных знакаў.
Файлы перакладу скапіяваць у тэчку праграмы C:\Program Files\PeaZip\res\lang\
Linux: у тэчку /usr/bin/PeaZip/res/lang
Затым запусьціць PeaZip і перайсьці да Options - Localization - абраць патрэбны файл (By-Cr-3.2 ці By-Lt-3.2) - Адчыніць.
• Silent Hill 3 - Маўклівы груд 3
Silent Hill 3 (Маўклівы груд 3) — відэагульня ў жанры survival horror, трэцяя частка гульнявой серыі Silent Hill, была распрацавана і выпушчана Konami у 2003 годзе на платформах Playstation 2 і PC. З'яўляецца наўпростым працягам першай часткі серыі.
Падобна іншым гульням серыі, Silent Hill 3 выкарыстоўвае тэматыку містычнага хорару і характэрныя для фільмаў жахаў прыёмы яго падачы, апавядаючы пра людзей, якія «правальваюцца» ў напоўнены жахамі свет. Галоўнай гераіняй гульні з'яўляецца маладая дзяўчына па імі Хізар (анг. Heather), якая апускаецца ў свет уласных страхаў як у сваім родным горадзе, гэтак і ў таямнічым мястэчку Сайлент-Хіл, куды Хізар рушыць у пошуках разгадкі таямнічых падзей.
• World Of Goo - Свет Шароў Goo
Свет шароў Goo - будаўнічая гульня-галаваломка з рэальнай фізікай. Мільёны шароў Goo, што жывуць у цудоўным свеце Goo, ня ведаюць, што насамрэч яны - удзельнікі гульні, і што яны надзвычай цудоўныя.
• XP-Antispy 3.97-2 - выдатны софт!
Невялікая прылада для аўтаматычнай наладкі аперацыйнай сістэмы Windows XP, у прыватнасці, выдаленне розных шпіёнскіх і іншых небяспечных модуляў вакенцаў. Вядома, усё гэта можна зрабіць уручную, але гэта патрабуе часу і пэўных ведаў
Новыя пераклады
XP-Antispy 3.97-2
